Сапар барысында ол қаланың жылу беру маусымына дайындық жұмыстарымен танысты. Рудный ЖЭС-да Кеңесшіге жүргізілген жөндеу жұмыстарының нәтижелері таныстырылды. Бұл шаралар алдағы қыс мезгілінде жылумен қамтуды сенімді әрі үздіксіз қамтамасыз етуге мүмкіндік береді.
Сонымен қатар, Кеңесші «Рудный жылу желілері» ЖШС-нің нысандарында – №1 сорғы станциясында және магистральдық жылу желілері учаскесінде болды. 2025 жылға арналған жөндеу бағдарламасы бойынша 14,88 шақырым құбырды жаңарту жоспарланған, оның 14,7 шақырымы аяқталып, жоспардың 98,8 %-ы орындалды.
Барлық гидравликалық сынақтар жүргізіліп, анықталған ақаулар жойылды, ал сорғы станциялары жабдықты жаңғыртудан кейін жылу беруге толық дайын.
Осылайша, 2025 жылдың 1 қыркүйегіне қарай Рудный қаласындағы барлық жылу нысандары жылу беру маусымына толық дайын болады. Бұл өз кезегінде қала тұрғындарын қысқы кезеңде үздіксіз және сапалы жылумен қамтамасыз етуге мүмкіндік береді.