Рудныйда халықтың әл-ауқатын арттыруға бағытталған «Тұрғын үй — коммуналдық шаруашылықты дамытудың 2023-2029 жылдарға арналған саясаты» аясында тұрғын үйге қолжетімділікті арттыру жұмыстары жалғасуда. Бұл концепция іске асқалы бері 4 көппәтерлі үй (273 пәтер) қалпына келтіріліп, пайдалануға берілді. Жалпы сомасы 2,3 млрд теңгеге 228 пәтер сатып алынып, 2024 жылы 10 тұрғын үй — 425 пәтер салынып, қайта жөнделді. Барлығы 8,2 млрд теңгеге мемлекеттік меншікке сатып алынды.
Сондай-ақ үйлерді қалпына келтіру жұмыстары жалғасуда. Қазіргі таңда Рудный қаласында 4 көпқабатты үй (260 пәтер) жөнделіп жатыр. Олар: Ленина 213Б, Ленина 70Б, 50 лет Октября 57 және Космонавтов 21.
Осындай қалпына келтіру жұмыстары Қашар ауылында да жүзеге асырылуда. Атап айтқанда, 70 пәтерлік екі бес қабатты үй мен 1-шағын ауданда орналасқан 76 пәтерлік бір бес қабатты үй қайта жөнделуде. Жөндеу нәтижесінде Қашарда 216 пәтер пайдалануға берілмек.
2025-206 жылы тұрғын үй салу жоспары:
— 60 пәтерлік екі 5 қабатты үй;
— 96 пәтерлік екі 9 қабатты үй;
— 168 пәтерлік үш 6 қабатты үй;
— 90 пәтерлік екі 6 қабатты үй;
— 30 пәтерлік бір 6 қабатты үй.
Аталған жобалар Рудный қаласындағы тұрғын үй кезегінде тұрған азаматтардың санын азайтып, жалпы саны 1502 пәтермен қамтамасыз етуге мүмкіндік береді.
Жанарай Нурмаханбетова,
Сурет «РР» мұрағатынан