Қазақстан Харбиндегі қысқы Азия ойындарында тағы екі медаль жеңіп алды, — деп хабарлайды Tengrinews.kz тілшісі.
Күміс жүлдені Қазақстан құрамасы фристайл-акробатикадағы аралас эстафетада жеңіп алды.
Мәдениет және спорт министрлігінің суреті
Аяна Жолдас, Шерзод Хаширбаев және Асан Асылхан үйлесімді командалық жұмысты көрсетті. Олар тек Азия ойындарының чемпионы болған Қытай құрамасына жол берді.
Қола жүлдені Қазақстандық шаңғышы Олжас Климин 10 шақырымдық еркін стильдегі жарыста жеңіп алды.
Мәдениет және спорт министрлігінің суреті
Климин мықты қарсыластарын артта қалдырды, олардың арасында Қытайлық Бао Лин (2019 жылғы әлем чемпионатының 13-орын иегері), Чэнь Дэгэн (2022 жылғы Олимпиаданың 13-орын иегері) және Жапондық Такацугу Уда (2021 жылғы әлем чемпионатының 9-орын иегері) болды.
Айта кетейік, бүгін Қазақстанның әйелдер құрамасы Харбиндегі Азия ойындарында Тайбэй командасын керлингтен ойсырата жеңді.
Осылайша, Қазақстанның 2025 жылғы қысқы Азия ойындарындағы жүлде қорында қазір 9 медаль бар: 1 алтын, 5 күміс және 3 қола.