Өтінімдер 10 қарашаға дейін қабылданады. Білім бағалау емтиханы 11-15 қарашада өтеді.
Қазақстанда 7 қарашада педагогтердің білімін бағалауға кезекті өтінім қабылдау науқаны басталды, деп хабарлады Ұлттық тестілеу орталығы.
Педагогтердің білімін бағалау 11-15 қараша аралығында өтеді деп жоспарланған.
Өтінішті орталықтың сайты мен UTO мобильді қосымшасы арқылы беруге болады.
Еске салайық, биыл педагогтердің білімін бағалау жаңа форматта өткізіліп жатыр. Педагогтерді аттестаттау бес жылда бір рет ұйымдастырылады.
Білім беру ұйымдарының бірінші басшылары мен орынбасарлары үш жылда бір рет аттестаттаудан өтеді.
Педагогтердің білімін бағалау туралы түсіндірмені осы жерден оқуға болады.