2023 жылдың сәуір айынан бастап қазақстандықтар үйден немесе кеңседен шықпай-ақ бірқатар нотариаттық іс-әрекеттерді электронды түрде жасауға мүмкіндік алды.
Бірқатар нотариаттық қызметтер онлайн-форматқа ауыстырылды: сенімхатты рәсімдеу, нотариус кеңесі, мәміле жасауға ерлі-зайыптылардың келісімін алу және т.б.
Мұның бәрі Әділет министрлігі мен цифрлық даму министрлігі бірлесіп жүзеге асыратын «цифрлық нотариат» пилоттық жобасының арқасында мүмкін болды.
Қызметтер eGov Mobile мобильді қосымшасы арқылы көрсетіледі.
Бастапқыда жобаны іске асыру мерзімі 2024 жылдың 31 желтоқсанына дейін белгіленді. Енді Әділет министрлігі жобаны тағы бір жылға – 2025 жылдың 31 желтоқсанына дейін ұзартуды ұсынады.
Әзірлеушілер жобаны қабылдау теріс әлеуметтік-экономикалық немесе өзге де құқықтық салдарға әкеп соқпайды, мемлекеттік бюджеттен қосымша қаражат талап етпейді, сондай-ақ ұлттық қауіпсіздікті қамтамасыз етуге ықпал етпейді деп мәлімдейді.
Жоба 2024 жылғы 26 желтоқсанға дейін жария талқылау үшін «Ашық НҚА» порталында орналастырылған.