23 маусым күні мемлекеттік қызметшілер төл мерекелерін атап өтеді. Ұлт мәртебесін көтеретін, ел абыройын асқақтататын мемлекеттік қызметкер болу – жауапты іс. Оның басты міндеті туған Отаны мен халқына адал қызмет етумен айқындалады. Осы бағытта көптеген жұмыстарды атқарып жүрген жас мемлекеттік қызметкер, Рудный қаласы әкімдігінің «Рудный қалалық ішкі саясат бөлімі» ММ бас маманы Мейрамбек Ілиясовпен сұхбаттасқан едік.
— Қайырлы күн. Әңгімемізді бастамас бұрын, өзіңізді таныстырып кетсеңіз: Сіз қайда өстіңіз, оқыдыңыз? Неліктен мемлекеттік қызметке баруды шештіңіз?
Мен 1995 жылы 27 наурызда Қостанай облысы Қарабалық ауданы, Қособа ауылында дүниеге келдім. 2004 жылы Рудный қаласына қоныс аударып, № 12 мектепте 8-сыныпқа дейін оқыдым. Кейін қайта Қарабалық ауылына оралып, 2012 жылы М.Горький атындағы № 11 орта мектепті тәмамдадым. Содан соң Қостанай мемлекеттік университетіне грантпен «Ауыл шаруашылығы техникасы және технологиясы» мамандығы бойынша оқуға түстім. Қазір 2 жоғары білімім бар. Екінші мамандығым – «Экономист».
— Студенттік өмір сіздің мансабыңызға қандай да бір әсер етті ме?
— Студент кезімде туған жерімде жұмыс істеуді жоспарладым. 4 жылдан кейін Қарабалыққа оралып, жергілікті ЖШС-не механизатор болып жұмысқа орналастым. Біраз уақыт механизатор болып жұмыс істегеннен кейін өзімді табуды ұйғарып, Рудный қаласына келдім. Сонымен Рудный қаласы әкімінің аппаратына әдіскер болып жұмысқа орналастым. Осылайша, мемлекеттік қызметтегі еңбек жолым басталды.
— Сіздің ойыңызша, адам тек бір бағытта/іс-әрекетте жетістікке жете алады ма? Өзін мемлекетке қызмет етуге арнауға шешім қабылдаған адам қандай қасиеттерге ие болғаны дұрыс?
Әрбір адам қызметтің бірнеше саласында биіктерге жетуге қабілетті. Мұның бәрі тек бір орында отырмауға және әлемді, жаңа мамандықтарды білуге мүмкіндік беретін мақсаттылық деңгейіне, білімге деген құштарлыққа және қызығушылықтың деңгейіне байланысты. Сонымен қатар, мемлекеттік қызметші үшін патриотизм, жауапкершілік, парасаттылық сияқты қасиеттерге ие болу маңызды.
— Мемлекеттік қызмет саласында қандай өзгерістер бар? Мемлекеттік қызметті реформалаудың соңғы кезеңінің нәтижелері қандай?
— Жыл сайын мемлекеттік қызметке қабылдау, жұмыс істеу жағдайларын жақсарту, мемлекеттік қызметтің беделін арттыру мақсатында реформалар жүргізілуде. Соңғы жылдары мемлекеттік қызметкерлердің жалақысы көтеріліп, факторлық-балдық жүйе енгізілді. Ауылдық жерде қызметке кіретін мемлекеттік қызметкерлерге көтергіштер бөлінеді. Сондай-ақ, төменгі лауазымдарға құжат тапсыру кезінде бұрын жоғары білімді болуы талап етілсе, қазір орта арнаулы білім жеткілікті.
— Неліктен қоғамда мемлекеттік қызметкерлер, шенеуніктер туралы көптеген жағымсыз стереотиптер бар деп ойлайсыз? Халықтың мемлекеттік қызметкерлерге сенімі артуы үшін не істеу қажет?
— Шенеуніктердің Әдеп кодексін, сыбайлас жемқорлықты бұзуының жекелеген жағдайларына байланысты адамдардың ойында жалпы мемлекеттік қызметшілерге деген теріс көзқарас қалыптасады. Мұның бәрі бүкіл мемлекеттік аппараттың беделіне теріс әсер етеді.
Сұхбат бергеніңізге рақмет!
Зерде Жеңіс