Автор: Редактор

2023 жылдың қыркүйегінде 250 мың колледж студентінің шәкіртақысы 50%-ға өсті. Биыл қатары 300 мыңға жуықтаған студенттің стипендиясы тағы 50%-ға артады, деп хабарлайды Оқу-ағарту министрлігі.

«Орта буын мамандықтарының студенттері қазіргі 31 422 теңгенің орнына 41 896 теңге алады. Жұмысшы біліктілігі бар студенттер үшін шәкіртақы 32 681 теңгеден 43 574 теңгеге дейін көтеріледі», – деді ТжКБ бас сарапшысы Дархан Сатанов.

Сонымен қатар, мемлекеттік тапсырыс бойынша оқитын студенттерге тамақ пен жолақы сияқты әлеуметтік қолдау көрсетіледі. Еліміздегі колледждерде барлығы 542 мың студент оқиды. Оның 344 мыңы тегін техникалық және кәсіптік біліммен қамтылған.

Өңір аумағында алимент өндіріп алу бойынша үш арнайы кеңсе жұмыс істейді.

Өткен жылы облыста алимент өндіріп алу туралы 19 257 өндіріс орындалды, оның ішінде 1687 (атқарушылық өндірістер бойынша) бойынша 1 451 191 532 теңге мөлшерінде жалпы берешек бар, 298 өндіріс проблемалы болып табылады. 2023 жылы осы санаттағы 3 293 өндіріс аяқталды.

— Алимент бойынша берешекті азайту мақсатында борышкерлерді әкімшілік және қылмыстық жауапкершілікке тарту бойынша жұмыстар жүргізілуде, — деп атап өтті ҚР Әділет министрлігі Қостанай облысының Әділет департаменті РММ басшысы Әлия Аманжолова. — 2023 жылы ҚР «Әкімшілік құқық бұзушылық туралы» Кодексінің 669-бабының 1-бөлігі бойынша 228 борышкер әкімшілік жауапкершілікке тартылды, оның 145-і қамауға алынды, 83-і бойынша айыппұлдар салынды.

Жылдан жылға алимент өндіріп алу туралы атқарушылық құжаттарды орындамаудың негізгі себептері борышкерлерде тұрақты жұмыс орнының болмауы, табысының жасырылуы немесе азаюы, тұрақты тұратын жерінің болмауы болып табылады.

Ұрланған мүлікті сатып алу үшін қылмыстық жауапкершілік қарастырылған.

Қылмыстық Кодекстің 196-бабының санкциясы 4000 АЕК-ке дейінгі мөлшерде айыппұл немесе түзеу жұмыстары түріндегі жазаны, 1000 сағатқа дейінгі мерзімге қоғамдық жұмыстарға тартуды, 50 тәулікке дейінгі мерзімге қамауға алуды, бас бостандығын шектеуді немесе 5 жылға дейінгі мерзімге бас бостандығынан айыруды көздейді.

Сатып алу дегеніміз – көрінеу қылмыстық жолмен табылған мүлікті сатып алу немесе сату. Зиянкестер, ең алдымен, ұрланған мүлікті одан әрі сату мақсатында бөтеннің мүлкін ұрлайды.

Қылмыскерлер ұрланған заттарды өте төмен бағамен сатады, бұл сатып алушыларды тартады.

Құрметті азаматтар, егер хабарландыру сіздерге күдікті болып көрінсе, оған жауап бермей, тергеу үшін қажетті ақпаратты бере отырып, құқық қорғау органдарына хабарлаған дұрыс. Егер тауар сатып алынған болса, дәл осылай жасау керек.

Өңірлік кадр резервінің басты мақсаты – әр өңірде талантты жастар арасынан жаңашыл ойлайтын көшбасшылар, жас басқарушылардың тобын қалыптастыру.

Мемлекет басшысы атап өткендей, «Бізге түрлі салаларда, жауапкершіліктен қорықпайтын, ерекше әрі тиімді шешімдер қабылдай алатын жаңа формациядағы басқару тобы қажет. Дәл осындай адамдар ел қалауындағы нәтижеге қол жеткізуге қабілетті».

Іріктеуге қатысу резервшілерге жергілікті жерлерде жаңаша өзгерістерді жүзеге асыруға мүмкіндік береді.

Іріктеуге жоғары білімі және 3 жылдан кем емес еңбек өтілі бар, 35 жастан аспаған еліміздің азаматтары қатыса алады.

Қостанай облысының кадр комиссиясы өңірдегі әлеуметтік-экономикалық жағдайды және мемлекеттік басқару жүйесін дамытудың басымдықтарын ескере отырып, өңірлік резервке іріктеудің мынадай салалық бағыттарын айқындады:

— инфрақұрылымды, өнеркәсіпті дамыту және сауда саясаты;

— агроөнеркәсіптік кешен және қоршаған ортаны қорғау;

— экономикалық және қаржылық саясат;

— цифрландыру;

— әлеуметтік саясат және азаматтық қоғам.

Қатысуға өтінімдерді қабылдау биылғы жылдың 1-31 наурызы аралығында onir.pkrezerv.gov.kz сайтында қолжетімді болады.

Білімді, еңбекқор және жасампаз азаматтарға  өңірлік кадр резервтеріне іріктеуге қатысу үлкен мүмкіндік болмақ.