Халықаралық хореография сахнасында өз ізін қалдырған Рудный қаласының би ұжымдары Қостанай қаласында беделді «Dance mania» байқауында үздік шеберліктерін көрсетіп, лайықты марапаттарға ие болды.
Мария Радионованың жетекшілігімен «Жизель» ансамблінің аға құрамы моңғол биі бойынша «Надом» қойылымымен қазылар алқасын таң қалдырды. Нәтижесінде жоғары награда — осы беделді конкурста ГРАН-ПРИді иеленді.
Орыс және қазақ билері де қазылар алқасының жоғарғы ұпайын жинап, «Жизель» ансамблі бірінші орынды иеленді. Ал «Ремикс» ұжымының кіші құрамы көлеңкеде қалмады-олардың «Керемет көрші», «Ұшқыштар» және «Аспаздар» үш қойылымы бірінші орынға ие болды! Бұл рудныйлық жас таланттар үшін керемет жетістік.
-Мұндай іс-шаралар қатысушылардың жеке өсуі мен шығармашылық әлеуетін дамытуға ықпал етіп қана қоймайды, сонымен қатар би топтарын біріктіреді, оларға тәжірибе алмасудың құнды мүмкіндігін қамтамасыз етеді және хореография әлеміндегі одан әрі жетістіктерге шабыттандырады. «Dance mania» байқауында ұсынылған бағалау критерийлері би ұжымдарының орындауындағы техникалық шеберліктің, нөмірдің композициялық құрылысының, сахналық және әртістіктің маңыздылығын көрсетеді. Бұл критерийлер қойылымды объективті бағалауды қамтамасыз етеді және байқаудағы ең жақсы би нөмірлерін анықтауға көмектеседі. Байқауды ұйымдастырушыларға және қалалық мәдениет бөлімі мен «Орбита» демалыс орталығына қолдауларына, шығармашылық пен өзін-өзі көрсету үшін осындай керемет алаң құрғанына алғыс білдіргіміз келеді, — деп атап өтті қатысушы топ жетекшілері.
Ұжымдардың барлық қатысушыларын халықаралық аренадағы бірегей жетістіктерімен құттықтаймыз және оларға болашақта жаңа жетістіктер мен табыстар тілейміз!
Айжан САЙЛАУБЕКҚЫЗЫ