Зейнетақы аннуитеттерінің құнын есептеу негізіне алуды ұсынады, деп хабарлайды Информбюро
Қазақстанда БЖЗҚ-дан басқарушы компанияларға қаражат аудару үшін жеткіліктілік шегін есептеу әдістемесі қайта қаралуы мүмкін, деп хабарлайды зейнетақы қорының баспасөз қызметі.
БЖЗҚ жанындағы Қоғамдық кеңес мүшелері БЖЗҚ салымшылары үшін зейнетақы жинақтарын ең төменгі жеткіліктілік шегінен асып кету шартымен шектелмей, басқарушы компанияға аудару мүмкіндігін кеңейтуді ұсынды. БЖЗҚ басқарма төрағасы Жанат Құрманов тұрғын үй сатып алуға және емделуге арналған қаражатты пайдаланудан айырмашылығы, зейнетақы қаражаты зейнетақы жүйесінен алынған кезде, басқарушы компанияларға аударған кезде ақша жүйеде қалатынын және оның нысаналы мақсаты сақталатынын атап өтті.
Оның айтуынша, Қазақстан қаржыгерлері қауымдастығының алаңында басқарушы компанияларға зейнетақы жинақтарының бір бөлігін ең төменгі жеткіліктілік шегіне байланыстырмай аудару шарттарын өзгерту туралы ұсыныс қаралуда.
«Бұл ретте болашақта жеткіліктілік шектерінің мөлшерін есептеу зейнетақы аннуитеттерінің құнына негізделсе, дұрыс болуы да мүмкін», — делінген хабарламада.
Зейнетақы аннуитетін сатып алу ресми зейнеткерлік жасқа толғанға дейін зейнетақы алуға мүмкіндік береді. Қаражат өмір бойы үнемі төленеді. Аннуитетті сатып алып, әйелдер зейнетке 52,5 жаста, ал ерлер – 55 жаста шыға алады.