Өтініштер 23 тамызға дейін қабылданады, ал ПББ 21-29 тамыз аралығында өтеді.
Қазақстанда педагогтердің білімін бағалауға өтініштер 19-23 тамыз аралығында Ұлттық тестілеу орталығының сайты мен мобильді қосымшасында қабылданады, деп хабарлады орталықтың баспасөз қызметі.
Кезекті педагогтердің білімін бағалау 21-29 тамыз аралығында өтеді.
«Бұл тестілеуге санаты жоқ үміткерлер, біліктілік санаттарын арттыратын және растайтын педагогтер қатыса алады. Білім беру ұйымының педагогтері педагогтердің білімін бағалауға бір күнтізбелік жыл ішінде 2 рет өтініш бере алады: бір рет тегін, бір рет ақылы», – делінген Ұлттық тестілеу орталығының хабарламасында.
Бұған дейінгі педагогтердің білімін бағалау 10 шілде мен 13 тамыз аралығында өткен болатын.