Құрметті Рудный қаласының арулары!
Сіздерді Халықаралық әйелдер күні – 8 наурыз мерекесімен шын жүректен құттықтаймын!
Бұл шуақты көктем мерекесі ерекше жылулық пен терең мағынаға толы. Себебі ол – нәзіктік пен қайсарлықты, даналық пен мейірімділікті, шабыт пен табандылықты бойына тоғыстырған сіздерге арналған. Сіздер өмірді көркемдеп, оған үйлесім мен сүйіспеншілік сыйлайсыздар. Отбасында береке-бірлікті сақтап, шаңыраққа жылу ұялатасыздар. Сонымен қатар қоғам өміріне белсенді араласып, кәсіби салада да биік белестерді бағындырып келесіздер.
Рудный қаласының әйелдері – отбасының сенімді тірегі әрі қаламыздың дамуына серпін беретін маңызды күш. Сіздер білім мен денсаулық сақтау, мәдениет пен әлеуметтік қорғау салаларында, өндіріс пен кәсіпкерлікте еңбек етіп, спорт пен қоғамдық жұмыстарда жоғары жетістіктерге жетіп жүрсіздер. Қай салада болмасын жауапкершілік, кәсібилік, сабырлылық пен адалдық танытасыздар.
Ардагер аналарға, аға буын өкілдеріне, тыл еңбеккерлеріне ерекше алғысымды білдіремін. Сіздердің өмір жолдарыңыз – төзім мен табандылықтың, жанқиярлық пен кеңпейілділіктің жарқын үлгісі. Сіздер рух мықтылығын, жүрек жылуын сақтап, сол құндылықтарды кейінгі ұрпаққа аманат еттіңіздер.
Қаламыздың болашағы – сіздердің қамқор қолдарыңызда. Ана жүрегінің мейірімі мен парасатымен сіздер ұрпақ тәрбиелеп, олардың бойына ізгілік, құрмет пен өз күшіне сенім дарытасыздар. Сіздердің еңбектеріңіздің арқасында ел ертеңі жарқын боларына сеніміміз мол.
Күн сайын айналаңызға нұр шашып жүрген жылулықтарыңыз үшін шынайы ризашылығымды білдіремін. Өмірлеріңіз қуанышты сәттерге толы болып, қастарыңыздан әрдайым сүйікті де сенімді жандар табылсын.
Сіздерге мықты денсаулық, жан тыныштығы, молшылық, отбасылық бақыт және көктемдей құлпырған көңіл-күй тілеймін! Мерекелеріңіз құтты болсын, құрметті әйелдер!
Ізгі тілекпен,
Рудный қаласының әкімі
Ионенко В.Н.