Меніңше, Мағжан сынды Алашшыл ағалар өмірге Тәңірдің миссиясын орындау үшін келген сияқты. Отанды сүюдің, мемлекетшіл сананың ең биік үлгісін көрсеткен; көркем мұсылман һәм кәміл адамның өнегесін қалыптастырған шынайы тұлға, айдарлы перзент осы – Мағжандар емес пе еді!
Мағжан поэзиясы – сұлу да ғажап сурет. Көзтартар лағыл, әшекейлі жауһар.
Мағжан тілінде Күлтегін, Бұқар, Махамбет, Абайлардың мәдениеті бар-тын. Мағжан жырында Физули, Низами, Руми, Жүніс Емре, Айбектердің махаббат сарыны бар-тын. Мағжан сөзінде ұлтшылдық асқақ рух пен түркілік баба танымы бар-ды. Әйгілі Әуезов айтқандай, «Мағжанның еуропалығын сүйемін!».
Иә, Мағжанның түбіне күңшілдер жетті. Балақтағы бит басқа өрлеп шапқан кер заманда Мағжанды ұмыттыруға тырысты. Өзі – от, өзі – күн болған ақынды қанша қалқаласа да халық санасынан ұмыттырады. Себебі – ол – Мағжан еді!
Бір ғана сөз. Алаш баласының әрқашанғы жігерін жанитын сөз:
Не көрсем де Алаш үшін көргенім –
Маған атақ ҰЛТЫМ үшін өлгенім!
Мағжанның туған күнінде «Мағжан» көркем фильмі түсіріліп жатыр. Тарихи күнмен тұспа-тұс келген фильм сәтті түсірілгей! @meyirgat_amangeldin, @azamatc сынды өнер жұлдыздарына шын тілеулеспіз. Сәтті де қайырлы болсын!
Мағжандай өр тұлғаның рухына Фатиха! Біз оны құрметпен, сағынышпен еске аламыз. Ешқашан ұмытпаймыз!
Елдос ТОҚТАРБАЙ