Үкімет басшысы келесі жылы 4,4 миллион адам 4,6 триллион теңгеге әлеуметтік төлем алатынын айтты
Премьер-министр Қазақстандықтардың жалақысының өсуі мүмкін екенін жариялады, деп хабарлайды Tengrinews.kz тілшісі
«1 қаңтардан бастап отбасының цифрлық картасы арқылы әлеуметтік қорғау саласындағы қызметтер проактивті форматқа көшіріледі. Сайлауалды бағдарламаны орындау үшін республикалық штаб құрылды. Барлық мемлекеттік органдар салалық тұжырымдамаларды, ведомстволық даму жоспарларын әзірлейді. Олар жыл басында бекітіледі», — деді министрлер кабинетінің басшысы Үкіметтің кеңейтілген отырысында.
Смайылов Президентке Үкімет сайлауалды бағдарламаны сапалы іске асыру бойынша барлық қажетті жұмыстарды орындайтынына сендірді.
«Нәтижесінде экономика тұрақты түрде өсіп, халықтың өмір сүру сапасы артады. 2023 жылы экономиканың өсу қарқыны кемінде 4 пайыз деңгейінде болжанады. Халықтың жалақысының нақты өсуі 2,3 пайыз деңгейінде күтілуде. Жұмыссыздық 4,8 пайызға дейін төмендейді», — деді Смайылов.