Қостанай облысының әкімі Архимед Мұхамбетовтың басшылығымен өткен Әлеуметтік әріптестік және әлеуметтік және еңбек қатынастарын реттеу жөніндегі облыстық комиссияның отырысында Еңбек заңнамасының сақталуын мемлекеттік бақылау мәселелері мен балалар еңбегінің шарттары талқыланды
Бірінші мәселе бойынша облыстың 200-ден астам кәсіпорны тексерумен қамтылды. Еңбек бұзушылықтары саласында 275 бұзушылық анықталды, деп хабарлайды Рудный әкімінің баспасөз қызметі.
Рудный бойынша «вагон құрастыру зауыты» ЖШС-нің 8 қызметкерінің жалақысы бойынша берешек мәселесі әзірге ашық күйінде қалып отыр. Кезекті сот отырысы күтілуде. Еңбек қауіпсіздігі мен еңбекті қорғауға келетін болсақ, Қостанай облысында зардап шеккендердің саны 93 адамды құрады, оның 12-сі Рудныйдан.
⠀
Балалар еңбегі мәселесі бойынша өңірде кәмелетке толмағандарды пайдалану фактілері тіркелген жоқ. Ата-аналар жұртшылығымен және оқушылармен ақпараттық-түсіндіру жұмыстары жүргізілуде. Жазғы кезеңде Қостанай облысында 1200-ден астам жасөспірім еңбек етті.
⠀
Үшінші мәселеге келетін болсақ, әлеуметтік-еңбек қатынастарын және соған байланысты экономикалық қатынастарды реттеу саласындағы мемлекеттік саясатты қалыптастыруға және іске асыруға бағытталған облыстық үшжақты келісімге толықтырулар енгізілді.
⠀
Барлық бағыттар бойынша барлық мәселелерді бақылауда ұстау тапсырылды.