«Ұлттық ақпараттық технологиялар» АҚ баспасөз қызметі уақыт белдеуінің өзгеруіне байланысты мәлімдеме жасады, деп хабарлайды BAQ.KZ.
Бірыңғай UTC +05.00 уақыт белдеуіне көшуге байланысты 2024 жылғы 29 ақпанда сағат 22:00-ден 2024 жылғы 1 наурызда 02:00-ге дейін техникалық жұмыстар жүргізіледі, — делінген компания таратқан хабарламада.
Осы уақыт аралығында келесі жобалар:
— eGov.kz порталы және оның құрамдас бөліктері;
— egov mobile мобильді қосымшасы;
— «Е-нотариат» бірыңғай нотариаттық ақпараттық жүйесі;
— «Техникалық бақылау» бірыңғай ақпараттық жүйесі;
— «e-Otinish» электрондық өтініштер қызметі;
және «Ұлттық ақпараттық технологиялар» АҚ жүргізетін басқа да ақпараттық жүйелер мен мемлекеттік дерекқорлар үшін қысқа мерзімді қолжетімсіздік болуы мүмкін.