Жеке сәйкестендіру нөмірін 1 күнде тегін алуға болады
ЖСН алу үшін шетелдіктер ХҚКО-ға «Азаматтарға арналған үкімет»мемлекеттік корпорациясына жүгінуі қажет.
— Егер сіз ХҚКО-ға өз бетіңізше келуді немесе сенім білдірілген адамды жіберуді шешсеңіз, өтінішпен бірге өзіңізбен бірге төлқұжат немесе жеке басты куәландыратын басқа да құжат болуы қажет. Егер құжатта аты, тегі және туған жері кириллицада немесе латиницада жазылмаса, құжат аудармасының куәландырылған көшірмесін қоса беру қажет. Егер сіздің орнына ХҚКО-ға сіздің өкіліңіз келсе, оның нотариалды куәландырылған сенімхаты болуы қажет, – деп хабарлады ведомствоның баспасөз қызметі.
Шетелдіктер үшін ЖСН куәлігін беру мерзімі 1 жұмыс күнін құрайды. Қазақстанда ЖСН алу Барлығына тегін.
ЖСН рәсімдеу процедурасынан өту нәтижесінде шетел азаматы тіркеу куәлігін алады.
Жеке сәйкестендіру нөмірі (ЖСН) – құжаттарды дайындаудың Ақпараттық-өндірістік жүйесінде бастапқы тіркеу кезінде жеке тұлға үшін генерацияланатын 12 цифрдан тұратын бірегей комбинация. ЖСН әрбір қазақстандыққа туу кезінде автоматты түрде беріледі және енді өзгермейді.
Шетелдіктерге ЖСН қажет:
— қазақстандық банктерде ағымдағы шот ашу;
— егер шетелдік азамат Қазақстандағы көздерден табыс алатын болса;
— Қазақстанда салық салынатын мүлікті сатып алу, мысалы автокөлік;
— Қазақстанда резиденттер болып табылатын заңды тұлғалардың басшыларын тағайындау кезінде;
— бейрезидент заңды тұлғалар филиалдарының, өкілдіктерінің басшылары болып тағайындалған кезде.