Қазақстандық балалар президенттің бастамасымен қолға алынған «Ұлттық қор – балаларға» бағдарламасы бойынша ақшаны 1 ақпаннан кешіктірмей алады. Бұл туралы Stan.kz ақпарат агенттігі хабарлайды.
2024 жылдың 1 қаңтарынан бастап «Ұлттық қор – балаларға» жобасы ресми іске қосылды. Алдын ала мәлімет бойынша жоба алғашқы жылдың өзінде 7 миллионнан астам баланы қамтиды. 18 жылдағы инвестициялық табыстың 50%-ы бала санына қарай бөлінетіні ескеріле отырып, бір балаға шаққандағы аударымдар мөлшерін есептеу мен анықтауға шамамен бір ай қажет болады
2024 жылы 18 жасқа толатын балалар «Ұлттық қор – балаларға» бағдарламасы аясында шамамен 160-170 доллар алады. Ал 2023 жылы туғандар кәмелеттік жасқа толғанда 3,5-4 мың АҚШ доллары көлемінде қаражат ала алады.
Ұлттық қордан алынған қаражатты кәмелетке толған соң тұрмыс жағдайын жақсартуға және/немесе оқу ақысын төлеуге жұмсауға болады.
Бағдарлама аясында алынған қаражатты кәмелеттік жасқа жеткен қазақстандықтар ЖОО мен колледждердегі оқу ақысын төлеуге, сондай-ақ тұрғынүй жағдайын жақсартуға жұмсай алады. Егер 18 жасқа толған азамат қаражатын рұқсат етілген мақсаттарға қолдануды қаламаса, онда ақша шотында 10 жыл сақталады. Осы мерзім аяқталған кезде жинақ алушының зейнетақы шотына аударылады.
Төлемдерді алу үшін ата-ана не істеу керек?
2006 жылы және одан кейін туған балалардың, оның ішінде қорғаншылыққа/қамқоршылыққа тағайындалған балалардың заңды өкілдері бүгінде «Балаларға арналған ұлттық қор» қор бағдарламасына қатысуды қамтамасыз ету үшін не істеуі керек:
- Баланың жеке басын куәландыратын құжатты (балалардың азаматтығын анықтау үшін), оның ішінде ЖСН алу керек.
- Мәліметтердің болуын және дұрыстығын тексеру: тегі, аты, әкесінің аты; туған жылы; кәмелетке толмаған баланың ЖСН және азаматтығы.
- «Электрондық үкімет» веб-порталындағы «Балалар туралы ақпарат» бөліміндегі жеке кабинетте балалар туралы ақпараттың бар-жоғын тексеріңіз.
Аталған төлем қайда түседі?
Жобаның негізгі жүзеге асырушысы мақсатты жинақтардың есебін жүргізетін және төлемдерін жүзеге асыратын Бірыңғай жинақтаушы зейнетақы қоры (БЖЗҚ). Мақсатты талаптар мен мақсатты жинақтарды есепке алу доллармен жүргізілетін болады.
Бірыңғай жинақтаушы зейнетақы қорының сайтында баланың Жеке сәйкестендіру нөмірін (ЖСН) пайдалана отырып, оның нысаналы талаптарға қатысушылар санатына қосылуы туралы ақпаратты тексеріп, аударым сомасын білуге болады.
Бұл ретте балалардың заңды өкілдері egov.kz сайтындағы жеке кабинетін де тексере алады: «балалар туралы мәліметтер» — бөлімінде әрбір жыл үшін талаптардың сомасына есептелген нысаналы талаптардың және инвестициялық табыстың сомалары туралы деректер.
Ақшаны қашан алуға болады?
Балалар 18 жасқа толғанға дейін нысаналы талаптар мен инвестициялық табыс мерзімінен бұрын алу құқығынсыз есептелетін болады. 18 жасқа толғаннан кейін қаражатты екі мақсатқа пайдалануға болады:
- тұрмыс жағдайын жақсарту үшін:
- «Қазпочта» АҚ және екінші деңгейлі банктер болатын уәкілетті операторлар арқылы оқу ақысын төлеуге.
- Айта кетейік, ақша аударылғаннан кейін бұл қаражатқа инвестиция тоқтататылады.
Қандай жағдайларда аударым тоқтатылады?
Мақсатты талаптарды есептеу жобаға қатысушы қаза болған немесе қаза болды деп тану туралы сот шешімі заңды күшіне енген және азаматтығын жоғалтқан жағдайда тоқтатылады. Қайтыс болған жағдайда мұрагерлер заңда белгіленген тәртіппен Бірыңғай жинақтаушы зейнетақы қорынан мақсатты жинақтарды алуға өтініш бере алады.
Қандай жағдайларда жинақталған қаражатты алу мүмкін болмайды?
Қазақстаннан басқа елге мекенжайын ауыстырған адамдар Ұлттық қор қаражатын пайдалану құқығынан айырылады.
Егер бала кәмелетке толған соң 10 жыл ішінде мақсатты жинақ талап етілмесе, олар оның жеке зейнетақы шотына түседі. Ал оларды алу еліміздің заңнамасына сәйкес жүзеге асырылады.